人生既矛盾
2006年07月22日
最近發現身體出現左一d問題，令我好擔心，一向有病都唔會睇醫生既我，終於都要面對問題，呢件事令我好困擾，我唔係擔心自己，我係擔心，如果我真係有咩事，咁我身邊既人點算呢？以現今咁先進既醫療技術，有咩病會醫唔好？呢一點我絕對明白，亦完全同意，問題係，如果真係check左我有事，我會唔會肯面對個病，積極將個病醫好佢呢？定係唔想俾人見到我咁辛苦，響自己仲可以應付既時候盡量為身邊既人做ｄ野？響好多年前，我堂妹因為一次手術失誤而離開左我地，我堂妹走既時候，令我改變左好多，佢自細個心臟有事，佢只有兩個選擇，第一個，定期換心瓣，但屬於大手術，唔可以做太多次，而且亦有一定危險，第二個，咩都唔做，到病發既時候先博一博，但機會只有50%成功，結果佢選擇做個手術，點知都一樣博唔到，到而家我都仲好懷疑，如果當初佢好人好姐既時候唔去做手術，會唔會可以活到而家呢？我總係認為，如果當初佢唔做手術，可以到而家都未離開我地．我唔係話有病唔醫係岩，只係諗下，點樣可以令自己既生命活得更耐？講到呢一點，就係我最覺得矛盾既地方，有時每個人都覺得有病自然要醫呢個心態係冇錯，但又有冇諗到，醫病既同時，亦都可能加快自己既死亡？我會令自己之後既生活過得更有意義，雖然我未必有事，但我真係覺得唔樂觀，我只希望身邊既人過得開開心心，今日我寫呢編日記，如果有一日我真係離開你地，又俾你無意間發現到，請你幫我同媽咪daddy講，叫佢地一定要好好生活，而你都要應承我，好好照顧自己同埋我媽咪，我好怕呼天搶地既場面，希望你地會帶住我最想見到既笑容送我最後一程，好似寫遺書咁？冇錯，響我仲有能力既時候，將我既心願講俾你知，只要咁樣，我先會安心，意外既野冇人可以預計到，中國人好介意將”死”掛響口邊，其實死亡係人生必會經歷既階段，我唔介意，祝所有人都健康快樂！最後，我想話俾你地知道，我愛你地！
Posted in: 健康 |
回應(3) | 回應的RSS | 引用通告(1)| 
(0)
Comment by whatding — 2006 七月 23 @ 10:43 pm
即使最後你要離開﹐你也是挺着肩膀的。我覺得同你講“唔駛擔心”﹐呢句野系超級多餘。
放心﹐如果一天你離開﹐你都唔駛擔心﹐呢個世界仲有人知道﹐你有幾愛你身邊的人。
Comment by bibi (不是天使) — 2006 七月 24 @ 2:24 am
Comment by 比比 — 2006 七月 24 @ 2:47 am