我的小時候

2006年04月24日

今日突然想起小時候一件心愛既玩具，係一隻肥豬毛公仔，係一隻玉色既圓碌碌豬仔，豬豬底部有一條拉鍊，拉開入面有六隻豬ｂｂ，好懷念呢個玩具，我相信而家應該好難搵得返，如果有一日俾我搵得返咁就好喇！仲有好多玩具，飛行棋，鬥獸棋，康樂棋，波子橫，仲有大富翁，因為我細個冇兄弟姐妹同我玩，咁我ｄａｄｄｙ媽咪就自然會係我對手，我仲會玩ｂａｒｂｉｅ，記得我媽咪都會好好心機同我買ｂａｒｂｉｅ衫，幫佢換衫，整到佢好靚，仲有，我細過有好多合金細車仔，記得有一次俾我婆婆掉哂，我唔開心左好耐，因為我儲左好耐先有一個私人車場，都有過百架車，我婆婆掉哂之後，佢用一塊神奇畫板打發左我，之後我就再冇玩車仔，仲有用紙做既公仔衫，同ｂａｒｂｉｅ玩法差唔多，都係換下衫扮下靚，我細個既時候，仲係荔園既常客，除左鬼屋永遠唔會入之外，幾乎荔園冇咩我未玩過，掉香口膠，雖然細個時自己唔食香口膠，但就一定掉好多返屋企，仲有ｌｅｇｏ，我好鐘意玩，但媽咪就唔會俾我成日玩，唉．．．真係好懷念細個時無憂無慮既生活呀！