珍惜身邊人
2006年04月20日
尋晚收到個好壞既消息，我一個識左十幾年既好朋友，為左一個已經無可救藥既人（其實果個根本唔可以用”人”字離形容既人）而自殺三次，好彩既係，佢三次都冇事，我打算咁同佢講．．．”為一個咁既渣滓而自殘身體，值得咩？你咁樣只會令鍚你擔心你既人心痛，你唔好咁傻啦，你仲有我地嘛，你唔會咩都冇哂，佢只係你人生其中一個故事既配角咋，你唔開心可以搵我傾丫，日頭又好，夜晚又好，半夜我都唔怕，只要你想搵人傾，你一定要搵我，由佢第一次俾我見到佢同第二個一齊之後，佢根本冇心改過，佢不停變本加厲，我問你佢有咩好，只要你答得出我佢有一樣野係好既話，我唔會阻止你繼續傻落去，你問我你可以點？其實你而家要做既，就係唔好俾自己壓力，分唔分開一唔一齊唔係重點，重點係你覺得點樣可以令自己舒服ｄ，好過ｄ，就算你真係為佢傷害自己，佢會變返好咩？佢會內疚？佢會為你心痛？個答案你同我都知，佢係一定唔會，你有事的話，我兩個寶貝契女以後點生活？佢地已經冇咩父愛，佢地仲咁細，唔可以冇埋媽咪，你冇諗過佢地既咩？！”雖然係有點直接，但我同佢既溝通一直都係咁直接，我好想將我擔心佢既事實話俾佢知，我呢個朋友，係一個幾坎坷既女仔，佢同左而家呢個渣滓八年，幫佢生左兩個可愛既女兒，個男的遲遲唔肯同佢結婚，響出面有ｎ個女人，我朋友因為要照顧兩個女，冇返工，個渣滓從來唔會俾生活費佢，每個月只交屋租，每日放低幾十蚊俾佢三母女食飯，有時仲唔會俾，女兒讀幼稚園，學費要我朋友家人俾，只會當我朋友呀四，當我朋友懷著細女的時間，仲俾我地親眼見到佢拖住第二個女人響我地面前出現，我朋友一次又一次原諒佢，但佢根本冇改過的意圖，不停傷害我朋友，所以每次提起呢個渣滓，我都會火大，世間上點解仲會有ｄ咁既男人？好嬲～～～～～～～～～～～～～～～～！
Posted in: 隨心 |
回應(4) | 回應的RSS | 暫時未有引用通告| 
(0)
告訴她，人生在世，有喜有悲，慶幸的是，她仍有兩個女兒，孩子並不是負擔，是希望。別令孩子感覺到母親的絕望，孩子見到也會感到絕望。我是單親父親，所以我知道。
你可幫她的，就是立即替她找實際的支援。試試以下。http://www.swd.gov.hk/tc/index/site_pubsvc/page_family/sub_listofserv/id_childcares/index.html
Comment by whatding — 2006 四月 20 @ 11:35 pm
加油!
Comment by Dieu — 2006 四月 22 @ 3:13 am
Comment by dearwaterblog — 2006 四月 22 @ 9:44 pm
Comment by 比比 — 2006 四月 23 @ 2:18 am