比比の手札

記得有一次，突然問左你一個問題，我問你想你死先定我死先，可能係人既正常反應，你答我希望你死先過我，我明白你既答案係因為你冇細心思考，之後我同你講一定要我比你早死，你就答我一齊死，唉～！！

可能其他人都會覺得很奇怪，沒有人希望自己離世吧？誰先離開也要爭奪？！對呀！我的確希望自己要比他先走一步，我知道我的想法很自私，但我更加清楚知道我真的不能接受他離開我的事實，我說如果我比他先離開，我就不會那麼痛苦，而我的離開也能畫上完美的句號！死亡是人生必要經過的階段，我從不忌諱關於生老病死的問題，如果可以，我更加希望我比任何一個我愛的人更早離開，人死後只有留戀，沒有痛苦，痛苦的就是仍然在世的人，這個想法真的自私到極點，我曾經對我爸爸媽媽說過一樣的說話，最後當然捱罵，但我再細想過，原來我是不可以比他們先離開，當然，如果要我接受他們離開我的事實我會很痛苦，但這些苦是我必須經歷的吧！父母一直對我的愛護，我沒理由因為自私而要他們看著我離開的這種痛苦，而且我還要幫他們打點他們離開之後的所有安排，中國人始終不能接受”白頭人送黑頭人”的，以上只是我一廂情願的想法，生死之事沒人會能夠預料到，而我跟他的約定，只是我們倆人的意願，起碼我知道，他願意承擔所有離別之痛，他寧願他痛苦，也不希望我痛苦，他說，因為他知道我不能一個人生活，我不能沒有人照顧，經過一番爭論之後，他也拗不過去，如果可以選擇的話，讓我比他先走一步，很無聊對不對？當然會無聊，但我們這個約定令我很安心，因為我知道，我已經找到一個願意照顧我一生的人，在人生裡面，能夠找到一個這樣的人，我感受到那股幸福的感覺。

今日同二舅父同埋媽咪同埋軒軒去打邊爐，食物麻麻，服務態度更是劣，我地三大一細都食得好飽，除左好飽之外，還是好飽，冇其他更適合既形容，食完之後，落好大雨，經過一間賣銀器既小店，突然想起我條心愛小手鍊斷左仲未整，問老闆有冇得整，老闆話：哦，好易姐！兩蚊啦！！，@.@兩蚊?!佢話二百蚊我都諗住整，結果以老闆熟練的技術，唔駛一陣已經幫我整好，盛惠兩蚊！好開心，終於可以帶返嚕～

原本今日係好愉快的一天，整天心情都很好，沒有令我不悅的事情發生，但晚飯時聽到一個惡耗，令我想了很多東西，同媽咪食完晚飯，買左個木門欄，門欄的目的是為了我的寶貝小狗，我們不在家的時候，就把牠們安置到門欄後，門欄後就是牠們的小天地，以免牠們造成破壞，不得不把牠們活動範圍有所限制，跟他們ｄａｄｄｙ合力把門欄裝好後，就把呀ｍｉｋｅ的長毛剪掉，天呀！！！呀ｍｉｋｅ剪毛後，由一隻灰色史立莎，變成一隻白色史立莎@.@?之前只知道呀ｍｉｋｅ是比較淺色，怎也想不到牠原來是白色的，現在的小ｍｉｋｅ　ｍｉｋｅ就像一隻小羊一樣，好可愛，相反多多就比較令我心疼，剪毛後發現牠瘦了很多，一定要給牠多吃一點，至於妹妹，一樣是肥妹妹，牠們ｄａｄｄｙ最疼妹妹，也許是妹妹的身型最小，胖胖的，四肢很短，像一個球一樣，正確來說，妹妹活像一個保齡球，毛色比較黑，現在我們家的三隻史立莎，一黑一灰一白，雖說妹妹跟ｍｉｋｅ都很可愛，但我還是最疼愛多多，也許是因為多多比牠們更需要愛護吧！多多由小皮膚也有小毛病，坦白說，多多的外表是一隻不吸引的狗狗，牠很瘦，瘦得叫我很心痛的那種瘦，可能妹妹跟ｍｉｋｅ太肥而令我有這感覺吧！別人來訪我們家，都是愛抱抱妹妹，親親ｍｉｋｅ，反而對多多不太留意，既然別人都疼妹妹跟ｍｉｋｅ，疼錫多多的責任就交給我好了，晚飯時媽咪跟我說了一個壞消息，她說我舅母養的西施狗給人道毀滅了，牠叫杯杯，十五歲了，多年前有一隻眼瞎了，就只有一隻眼可以看東西，上星期日母親節的事，舅父舅母發現牠行動有問題，就帶杯杯去看獸醫，獸醫說杯杯患了骨癌，必須動手術把牠的腳切掉，但杯杯年紀已很大，獸醫建議把杯杯人道毀滅，這樣相信比較令杯杯不用受不必要的痛苦，結果那天，杯杯就離開我們了，我了解舅母的心情，聽媽咪說她哭了好幾天，哭得死去活來，令我想到六年前我的呀ｂｅ離開我的時候，我也是哭得死去活來，心臟就像被刀割一樣，希望舅母可以看開點，對杯杯的離開我也感到很可惜，但以狗狗來說，能夠活到十五歲，已經算很不錯的了，杯杯不用再熬下去，到愉快的地方繼續生活，把牠人道毀滅，相信是對杯杯來說最適合的決定，勉強把牠留下來，反而令牠受苦，知道這個惡耗之後，我會更加更加珍惜我三隻寶貝，只希望牠們可以健康愉快的繼續成長，這是我最想要看到的。

最近很多事發生，每天煩惱明天要怎樣，好不容易完成手上要做的工作，又要為新的工作做好準備，每天想東想西的，忙了大半天，其實也不知道在忙什麼，這些該叫無事忙吧！知道自己很久沒來寫日記了，為了怕累積太多事忘記了之前發生過的，是時候把記憶體重組了！

今日掛三號風球，五月打風好似早左Ｄ，細個果陣，好鐘意打風，因為可以唔駛返學，到而家大個左，又唔係咁鐘意打風，因為打風我地雖然多日假，不過諗返響街流浪既貓貓狗狗會好慘，仲有一ｄ路宿者，仲有一ｄ住響木屋既人都會好慘，打風對佢地影響好大，諗到呢度，我寧願少日假，因為就算俾我多日假，都去唔到邊度，要響屋企，最多都係可以休息下，所以我寧願唔打風，不過好多人，都係好期望打風的~”~

今日我唔係放假，但係ｍ先生就放假，佢陪我左食野，好開心～返到屋企，覺得好亂，之後又再一次大掃除，今次執得好乾脆，出左一身汗，好攰，不過見到個屋企乾淨哂，辛苦都係值得既！ｍ先生最近對我好似好返好多，開始有返ｄ愛既感覺，希望呢種感覺可以一直維持落去，雖然我知道ｍ先生永遠都唔會睇到我既日記，因為我根本冇話俾佢知我有寫日記，但我都好想響度同佢講一次”多謝你”！係你帶俾我幸福既感覺，我開心因為你，唔開心又因為你，原來你對我既影響都好大，記得大家每次分開既時候，總有一種唔識形容既失落感，你話我乖左好多，其實我仲努力中，好想成為你既乖寶寶！有好多野，我唔會親口同你講，以前我的確好任性，直到同左你一齊之後，我先搵到人生既目標，可能我講得嚴重左，不過真係要好好多謝你，多謝你響我失落既時候鼓勵我，多謝你響我最脆弱既時候安慰我，多謝你響我開心既時候陪我笑，多謝你響我最痛苦既時候給我哭訴，多謝你響冰凍既時間給我溫暖，多謝你響我大頭蝦既時候提醒我，多謝你響半夜三更我訓唔著既時候陪住我，多謝你響行雷既時候幫我掩住耳仔，多謝你一直響我身邊對我不離不棄，多謝你做既所有野都係為左令我幸福，多謝你對我所有既任性野蠻處處包容，多謝你令我既世界變得更美，多謝你．．．

今日係我ｄａｄｄｙ農曆生日，祝佢生日快樂，身體健康！我ｄａｄｄｙ響別人眼中，唔算係一個好人，但佢絕對係一個好爸爸，我同我爸爸既關係，似朋友多過似父女，我ｄａｄｄｙ媽咪思想好開通，所以我有咩事都會同佢地講，問佢地意見，我ｄａｄｄｙ有個好大既肚腩，我好鐘意挨住佢，我對住我ｄａｄｄｙ咩都可以講，我成日同佢講我好愛佢，我唔係氹佢，我真係好愛佢，其實由我好細個開始，因為一ｄ因素，我ｄａｄｄｙ唔係成日響我身邊，我咁大個女，佢打過我一次，就係因為佢打左我一次之後，俾我講到而家仲講緊，因為我有一次去牙醫度剝牙，我媽咪同牙醫攪左好耐都攪我唔掂，結果我媽咪就搵我ｄａｄｄｙ幫手，結果我ｄａｄｄｙ去到牙醫度，氹左我好耐，我都係唔肯張開口，淨係不停咁喊，佢滾滾地，就打左我人生唯一一巴，果一巴，令我可愛既面面留下一個掌印一個禮拜，當然果陣我嬲左佢好耐，果一巴掌，我真係好刻骨銘心，而家我先知道，原來當年佢為左呢件事內疚左好耐，打在我身，痛在佢心，不過到而家，呢個已經成為我小時候既趣事，響唔係好耐之前，佢做左一件錯事，間接令我負擔重左，佢一直怪自己，覺得累左我同媽咪，佢曾經問過我，問我有冇嬲佢，我都有問過自己有冇嬲佢，但答案係冇，一ｄ都冇，縱使佢令我地既屋企好重負擔，但我真係冇怪過佢，因為我知道佢唔係唔理我同媽咪，只係佢冇能力，佢想做，但無奈佢做唔到，響佢人生裡面，我同媽咪就係佢既所有，佢係一個好惡好臭脾氣既人，佢對住所有人都有一種霸氣，個個都好驚佢，但佢對我同我媽咪唔會發脾氣，就算佢幾壞，佢都冇對我同媽咪壞過，我好珍惜每次可以見佢既機會，每次見到佢我都感覺到佢既心痛，佢後悔佢所做過既錯事，但我真係好想俾佢知道，我同媽咪根本冇怪過佢，錯事人人都試過啦，我只希望，我地可以一家人永遠開開心心咁生活，對與錯都唔再去提，你永遠都係我最愛既ｄａｄｄｙ！