爸爸，媽媽
2006年04月13日
今日係復活節假期前夕，本來公司有好多野等住我返去做，唔知係咪因為尋晚食左藥先訓，而上今日天氣又涼返，竟然唔知醒，起身既時候已經九點，加上頭真的好痛，結果我今日冇返工，而家諗緊放完假之後，我打仗既日子又要持續落去，我就．．．唉～～
而家做緊既工作，真係好辛苦，每天一大堆大大小小既工作，我每日早上九點開始，忙到夜晚九至十點，我估冇咩幾多返寫字樓既人會每天工作十二，三，四個鐘，每日ｏｔ，但工作一樣做唔完，有時都會自怨自艾，咁辛苦為左咩丫？無他既，想俾屋企人有個好ｄ既生活環境囉，記得細細個既時候，ｄａｄｄｙ媽咪問我想唔想要細佬妹妹，我因為怕俾人分薄所有人對我既愛鍚，我答佢地唔要！而家真係有ｄ後悔，見朋友同佢地既兄弟姐妹有商有量，屋企有咩事都多個人俾意見，多個人幫手解決，而我，屋企所有大小事務都係我一個人攪哂，有問題既時候唔想ｄａｄｄｙ媽咪擔心，所以扮冇野，其實我好想有個人陪我分擔一下，我ｄａｄｄｙ媽咪得我一個女，當然視我如珠如寶啦，所以就算我幾忙都好，我都會盡量抽時間陪佢地，我而家做既一切，其實都係為佢地而做，我辛苦ｄ又有咩所謂丫，我仲後生，捱得住，我只希望佢兩個身體健康，開開心心就算，雖然我俾唔到ｄ咩既好野佢地，唔算有福俾佢地享，但我會盡可能俾最好既佢地，幸好，佢地係好易滿足既ｄａｄｄｙ媽咪，我地一家三口，去麥當當都可以好開心，ｄａｄｄｙ，媽咪，ｉ ｌｏｖｅ ｙｏｕ！！
Posted in: 工作, 家庭 |
回應(2) | 回應的RSS | 暫時未有引用通告| 
(0)
