比比の手札

尋晚收到個好壞既消息，我一個識左十幾年既好朋友，為左一個已經無可救藥既人（其實果個根本唔可以用”人”字離形容既人）而自殺三次，好彩既係，佢三次都冇事，我打算咁同佢講．．．”為一個咁既渣滓而自殘身體，值得咩？你咁樣只會令鍚你擔心你既人心痛，你唔好咁傻啦，你仲有我地嘛，你唔會咩都冇哂，佢只係你人生其中一個故事既配角咋，你唔開心可以搵我傾丫，日頭又好，夜晚又好，半夜我都唔怕，只要你想搵人傾，你一定要搵我，由佢第一次俾我見到佢同第二個一齊之後，佢根本冇心改過，佢不停變本加厲，我問你佢有咩好，只要你答得出我佢有一樣野係好既話，我唔會阻止你繼續傻落去，你問我你可以點？其實你而家要做既，就係唔好俾自己壓力，分唔分開一唔一齊唔係重點，重點係你覺得點樣可以令自己舒服ｄ，好過ｄ，就算你真係為佢傷害自己，佢會變返好咩？佢會內疚？佢會為你心痛？個答案你同我都知，佢係一定唔會，你有事的話，我兩個寶貝契女以後點生活？佢地已經冇咩父愛，佢地仲咁細，唔可以冇埋媽咪，你冇諗過佢地既咩？！”雖然係有點直接，但我同佢既溝通一直都係咁直接，我好想將我擔心佢既事實話俾佢知，我呢個朋友，係一個幾坎坷既女仔，佢同左而家呢個渣滓八年，幫佢生左兩個可愛既女兒，個男的遲遲唔肯同佢結婚，響出面有ｎ個女人，我朋友因為要照顧兩個女，冇返工，個渣滓從來唔會俾生活費佢，每個月只交屋租，每日放低幾十蚊俾佢三母女食飯，有時仲唔會俾，女兒讀幼稚園，學費要我朋友家人俾，只會當我朋友呀四，當我朋友懷著細女的時間，仲俾我地親眼見到佢拖住第二個女人響我地面前出現，我朋友一次又一次原諒佢，但佢根本冇改過的意圖，不停傷害我朋友，所以每次提起呢個渣滓，我都會火大，世間上點解仲會有ｄ咁既男人？好嬲～～～～～～～～～～～～～～～～！

本來計劃得好好既復活節假期，因為牙痛，結果邊度都冇去，好慘，原來牙痛係唔可以剝牙，咁點算？由得佢痛？救命呀！止痛藥我已經免疫左，鹽水冰水都已經冇用，仲有咩方法可以減低我既痛苦？！食又食唔到，最慘既係，一訓低就會好痛，仲影響到成個頭都痛埋，好痛好痛好痛好痛．．．．．．．．．．．．．！！！

我今日的假期，在睡夢中渡過，昨晚整夜都睡不著，因為我牙痛，痛得很利害，終於感受到”牙痛慘過大病”這道理，相信受牙痛影響，連整個頭也在痛，吃了止痛藥，都一樣沒用，結果，我整晚就喝冰水，用鹽水澈口，擦牙，不停的重複，到天亮了才睡著，好痛苦哦！現在還是痛，沒心情，今天日記到此為止。

M先生——–係一個唔善於表達自己既人，我同佢既故事，開始得好耐人尋味，事實上，好多人都唔睇好我同佢既結局，我同Ｍ先生屬同一類人，執著啦，脾氣壞啦，但記得初初開始既時侯，總覺得同佢係兩個世界既人，響網上睇過有人講既一句說話，改變左我同Ｍ先生既故事，”兩個唔同世界既人走在一起不是更好嗎？那你們一起就可以有兩個世界，比其他人多一個世界，可以領略多一點別人領略不到的”，漸漸我開始明白到這個”道理”，果然同Ｍ先生一齊之後，體會多了很多之前想都沒想過既事，當中有苦有樂，算是我跟他的一點點經歷吧，諗返起覺得好有趣，就算到現在，有時諗返起都會由心笑出離，Ｍ先生響我心裡面係一個好特別既人，佢好似一個魔術師，佢會將我既唔開心變走，變返開心既事俾我，我會成日諗，係咪每個人心裡面都會有一個魔術師既呢？Ｍ先生令我改變好多，真係好多，佢好了解我，但我覺得佢好難捉摸，我對佢唔係唔了解，只係有一點疑惑吧？我成日會覺得，佢有好多野我係唔知既，雖然有時好多野，唔知好過知，但總會想知道多一點點，比喻當我見到佢好似有心事，唔多出聲，就會覺得佢有野諗，但每次問佢，佢總答我”冇事”，究竟佢係唔想我擔心唔俾我知，定係有野唔俾得我知呢？兩個人一齊欠缺一份信任，係一個好大的問題，兩個人一齊唔係應該坦承相對嗎？就算有咩開心唔開心都應該互相分擔嗎？佢算係一個大男人，有咩都收收埋埋，唔想我擔心，結果有咩事都自己一個人承擔哂，同佢一齊，我覺得好幸福，我鐘意俾佢照顧既感覺，佢講過要我係世界上最幸福既女人，其實佢咩都唔駛俾我，只要我同佢一齊開開心心，我就已經覺得係最幸福既人，好多人問我Ｍ先生有咩好，很抱歉，我實在答唔出佢有咩好，我覺得佢係最好既，咁就夠嚕，有時感情就係咁，只係一份感覺，唔一定要講出佢既優點，只要一齊感覺到果份愛既感覺，比起一個十全十美既人更重要，愛情就係令人盲目！

今日係復活節假期前夕，本來公司有好多野等住我返去做，唔知係咪因為尋晚食左藥先訓，而上今日天氣又涼返，竟然唔知醒，起身既時候已經九點，加上頭真的好痛，結果我今日冇返工，而家諗緊放完假之後，我打仗既日子又要持續落去，我就．．．唉～～

而家做緊既工作，真係好辛苦，每天一大堆大大小小既工作，我每日早上九點開始，忙到夜晚九至十點，我估冇咩幾多返寫字樓既人會每天工作十二，三，四個鐘，每日ｏｔ，但工作一樣做唔完，有時都會自怨自艾，咁辛苦為左咩丫？無他既，想俾屋企人有個好ｄ既生活環境囉，記得細細個既時候，ｄａｄｄｙ媽咪問我想唔想要細佬妹妹，我因為怕俾人分薄所有人對我既愛鍚，我答佢地唔要！而家真係有ｄ後悔，見朋友同佢地既兄弟姐妹有商有量，屋企有咩事都多個人俾意見，多個人幫手解決，而我，屋企所有大小事務都係我一個人攪哂，有問題既時候唔想ｄａｄｄｙ媽咪擔心，所以扮冇野，其實我好想有個人陪我分擔一下，我ｄａｄｄｙ媽咪得我一個女，當然視我如珠如寶啦，所以就算我幾忙都好，我都會盡量抽時間陪佢地，我而家做既一切，其實都係為佢地而做，我辛苦ｄ又有咩所謂丫，我仲後生，捱得住，我只希望佢兩個身體健康，開開心心就算，雖然我俾唔到ｄ咩既好野佢地，唔算有福俾佢地享，但我會盡可能俾最好既佢地，幸好，佢地係好易滿足既ｄａｄｄｙ媽咪，我地一家三口，去麥當當都可以好開心，ｄａｄｄｙ，媽咪，ｉ　ｌｏｖｅ　ｙｏｕ！！

習慣?真的是習慣嗎?!!

我習慣他的呵護，習慣他的溫柔，習慣他的淘氣，習慣他的笑容，
甚至在不知不覺中，我習慣用他的方式微笑，用他的方式溫柔，
我們彼此互相依賴，依賴著這甜蜜的習慣。

每天固定的，我也習慣在特定時間聽到電話鈴聲響起，
我會用最溫柔的聲音期待他的回應，
但當傳來的聲音不是他時，我總是會有那麼一點點的失望，
因為我依賴著那甜蜜的習慣。

然後有一天我們分手了，我難過、傷心、失望與不捨，
因為我還是一樣依賴著那習慣，
但是我卻必須捨棄「習慣」的權利，
我不再有權利習慣他的呵護、溫柔、淘氣與笑容。

於是我有了新的習慣，
我開始習慣想到他時流著眼淚悼念過去的記憶，
我開始習慣每天睡前不再有他的耳語，
我開始習慣每天日落前站在窗前看著夕陽沉默不語，
我…開始習慣。

曖昧是，比朋友好一點，但比情人遠一點。

曖昧是，你會常常在MSN等他上線，每當他幾天沒上線， 會開始擔心。

曖昧是，有感覺，然而，這種感覺不足以叫你們切切實實的發展一段正式的關係。

曖昧是，明白人生有太多無奈，現實有太多限制，知道不可能，但卻又捨不得放手。

曖昧是，有進一步的衝動，卻沒有進一步的勇氣。

曖昧是，他不是你的情人，但似乎他比你的情人更關心、瞭解你。

曖昧是，雖然他不是你的情人，但他卻會對你說：『你對我十分重要。』

曖昧是，每當他提及他的另一半時，你就會感到萬箭穿心。

曖昧是，為了逃避背叛的罪惡感。

曖昧是，甜津津又同時酸溜溜的，往往從未開始，已叫人不安，患得患失。

曖昧是，常常掙扎表不表白，怕表白之後，既得不到一個情人，卻又失去了一個知心的好友。

曖昧是，見到他時，你會心跳，見不到時，會掛念他。

曖昧是，兩個人都互相猜測，他是不是已經暗示什麼了？ 我是不是自作多情？

曖昧是，每天都會聊MSN，會互傳手機簡訊，無規律地偶然約會。

曖昧是，你很想多走一步，又怕會嚇壞他。 會很小心流露自己的感情，忍不住？ 又怕他知道會緊張。

曖昧是，兩個人沒有承諾過什麼，雖然如此， 願意付出的比有承諾的情侶更多。 沒有責任，卻很渴望去承擔，不問回報。

曖昧是，看到這篇文章， 會想起那個人。