失憶
2006年03月28日好多人寫日記都有唔同既目的，有人會係為左一個人而寫，又有人會係因為習慣而寫，咁我呢．．．我估我會係想趁自己仲有能力既時間，寫低自己每日所發生過既事，如果有一日我有事，咩都唔記得哂，都可以有一個地方記載左我每日所遇到既事，唔知點解，我成日覺得我有一日會失憶，唔知失左憶既人感覺係點既呢，我估應該會幾恐怖，由一個自己熟悉既環境，變到一個陌生既地方，自己既親人朋友，變成陌生人，最慘既係要響人地口中先知道自己本身係一個咩人，我聽一位醫生朋友講過，失憶都有分好多種，短暫，局部，永久．．．失憶既人，究竟係咪真係會咩都唔記得架呢，我成日同個醫生朋友講，我覺得自己開始失憶，但佢竟然答我．．．．．．”你唔係失憶，你只係冇記性”=.=
Posted in: 隨心 |
回應(1) | 回應的RSS | 暫時未有引用通告| 
(0)
